ایپل نے چائنا ایپ اسٹور سےنیویارک ٹائمز کی ایپ کو ہٹا دیا

چینی حکام کی درخواست پر ٹیکنالوجی کی معروف امریکی کمپنی ایپل نے اپنے چائنا ایپ اسٹور سے اخبار نیویارک ٹائمز کی ایپ کو ہٹا لیا ہے۔
ایپل کا کہنا ہے کہ انھیں یہ بتایا گیا تھا کہ یہ ایپ چینی قواعد و ضوابط کے منافی ہے لیکن یہ نہیں بتایا گيا کہ اس سے کن اصولوں کی خلاف ورزی ہوئی ہے۔

اخبار کا موقف ہے کہ چینی قارئین کو آزادانہ نیوز کوریج تک رسائی سے روکنے کے لیے یہ قدم اٹھایا گیا ہے، چین میں مغربی میڈیا کے مواد کو پابندیوں کا سامنا رہتا ہے۔